វីធីសាស្រ្តរបស់យើង
ក្នុងខណៈដែលយើងបន្តធ្វើការរំដោះសហគមន៍អាស៊ីអាគ្នេយ៍របស់យើង យើងនឹងធ្វើសកម្មភាពជាមួយនឹងការយល់ដឹងថារាល់ផ្លួវឆ្ពោះទៅកាន់ការរំដោះត្រូវផ្តោតលើភាពរួម និង ត្រូវផ្តោតការដោះស្រាយលើការគៀបសង្កត់ដែលប្រសព្វគ្នា។
យើងដាំ និង ចិញ្ចឹមគ្រាប់ពូជសកម្មភាព ដែលនឹងដុះចេញជាការផ្លាស់ប្តូររយៈពេលខ្លី និងវែង ដែលនឹងឆ្លើយតបដល់រាល់តម្រូវការចាំបាច់នានា តាមរយៈការផ្តល់សេវាកម្មដោយផ្ទាល់ និង ការផ្តួលរំលំការគាបសង្កត់ជាស្ថាប័ននានា
តាមរយៈគម្រោងសកម្មភាពខ្នាតធំជាងមុន (ដូចជាគម្រោងកម្មវិធីអប់រំ និង គោលនយោបាយ)។
ចក្ខុវិស័យយើង គឺដើម្បីការផ្លាស់ប្តូរដ៏ស៊ីជម្រៅ និងប្រកបដោយនិរន្តរភាព ដែលនឹងអនុញ្ញាតិឲ្យសហគមន៍អាស៊ីអាគ្នេយ៍យើងអាចរីកចម្រើនដោយឯករាជ្យ ប្រកបទៅដោយធនធាន និង ការគាំទ្រយ៉ាងសំបូរហូរហៀរ។
Our Programs
តើ MN8 កំពុងស៊ើបអង្កេតបញ្ហាអ្វីខ្លះ?
សង្គ្រាមអាមេរិកលើប្រទេសវៀតណាម និងជាលទ្ធផល លើតំបន់អាស៊ីអាគ្នេយ៍ទាំងមូល បានជះផលប៉ះពាល់់យ៉ាងយូរអង្វែងដល់សហគមន៍អាស៊ីអាគ្នេយ៍។
នេះរួមបញ្ចូល តែមិនមែនមានត្រឹមតែការនាំឲ្យមានការផ្លាស់ទីលំនៅ និង តាំងទីលំនៅថ្មីរបស់ប្រជាជនជាងបីលាននាក់នោះទេ។
នាពេលបច្ចុប្បន្ន មានប្រជាជនដើមកំណើតអាស៊ីអាគ្នេយ៍ជាង ៣,៣ លាននាក់រស់នៅក្នុងសហរដ្ឋអាមេរិក ដោយសារសង្រ្គាមនេះ។
រដ្ឋាភិបាលសហរដ្ឋអាមេរិក បានតាំងទីលំនៅថ្មីសម្រាប់ពលរដ្ឋភៀសសឹកទាំងនេះនៅក្នុងតំបន់ ដែលខ្វះថវិកាគ្រប់គ្រាន់ និង មានប៉ូលីសច្រើនលើសចំណុះ ដែលសមាជិកសហគមន៍អាស៊ីអាគ្នេយ៍ទាំងនេះ ជារឿយៗ តែងជួបប្រទះភាពក្រីក្រ និងអំពើហឹង្សា។
នៅក្នុងតំបន់ទាំងនេះ ប៉ូលីសបានកំណត់គោលដៅ ចាត់តាំងប្រវត្តិ និង ដាក់ទោសសមាជិកសហគមន៍ទាំងនេះ ដែលជាលទ្ធផល ធ្វើឲ្យពួកគេជាច្រើនត្រូវជាប់គុក។
នៅទសវត្សរ៍ឆ្នាំ១៩៩០ សហរដ្ឋអាមេរិកបានអនុម័តច្បាប់មួយចំនួនដែលកំណត់គោលដៅលើសមាជិកសហគមន៍ដែលធ្លាប់ឆ្លងកាត់ការផ្តន្ទាទោសពីមុន រួមទាំងអ្នកដែលមានសិទ្ធរស់នៅអចិន្ត្រៃយ៍ (មានហ្រ្គីនខាដ) សម្រាប់ការឃុំខ្លួន និងនិរទេសចេញពីប្រទេស ដោយមិនខ្វល់ថាការផ្តន្ទាទោសនោះទេបានកន្លងទៅយូរប៉ុណ្ណាមកហើយទេ។
ក្នុងមួយទសវត្សរ៍កន្លងទៅនេះ សហរដ្ឋអាមេរិកបានប្រើប្រាស់ និងពង្រីកម៉ាស៊ីននិរទេសនេះ តាមរយៈ ICE។
បញ្ហាទី១
ប្រជាជនអាស៊ីអាគ្នេយ៍ ត្រូវបានគេដៅ និង ធ្វើបាប ដោយការឃុំខ្លួននិងការនិរទេសចេញរបស់ ICE ។.
បញ្ហាទី២
ប្រជាជនដ់ើមកំណើតអាស៊ីអាគ្នេយ៍ ប្រឈមមុខនឹងឧបសគ្គជាច្រើនក្នុងការបញ្ចេញមតិ និង ការចូលរួមនៅក្នុងប្រព័ន្ធនយោបាយ ដែលកំណត់រូបរាងសង្គមរបស់យើង។
បញ្ហាទី៣
ដោយសារធ្លាប់ឆ្លងកាត់នូវបទពិសោធន៍ប្រត្តិសាស្ត្រដ៏គ្រោតគ្រាត ភាពក្រីក្រ ការរើសអើងជាតិសាសន៍ជាប្រព័ន្ធ និងអំពើហឹង្សា ប្រជាជនដើមកំណើតអាស៊ីអាគ្នេយ៍ជាច្រើន តែងជួបការលំបាកក្នុងការទទួលបាននូវធនធានសេដ្ឋកិច្ច ធនធានសុខភាពផ្លូវចិត្ត និង ធនធានសហគមន៍ ដែលពួកគេត្រូវការដើម្បីរីកចម្រើននៅក្នុងតំបន់របស់ពួកគេ។
