ຊຳເຣີນ “ເຕັ້ຍ” ພານ (ລາວ) ເກີດຢູ່ສູນອົບພະຍົບ ທີ່ປະເທດໄທ. ລາວໄດ້ມາຮອດສະຫະຣັດອາເມຣິກາ ຕອນລາວອາຍຸ 1 ປີ ພ້ອມກັບພໍ່ແມ່ ແລະ ອ້າຍນ້ອງ ຂອງລາວ. ລາວເຄີຍເຮັດງານເປັນນັກຜະລິດຄອມພິວເຕີ ຢູ່ເມືອງອີແກັນ ໄດ້ມາ 10 ປີ ແລ້ວ. ລາວອາໄສຢູ່ເມືອງເມເປິນວູດ, ຣັດມິນນິໂຊຕ້າ ກັບພັນຣະຍາຂອງລາວ, ທີ່ມີຊື່ວ່າ ເກດວະລີ, ແລະ ລູກສາວສອງຄົນ, ລີລາ ແລະ ລິເດຍ. Iໃນເວລາວ່າງຂອງລາວ, ຊຳເຣີນມັກໄປຕຶກປາກັບຄອບຄົວ ແລະ ການຊ່ວຍເຫຼືອໂບດ. ລາວຖືກກັກຂັງເມື່ອວັນທີ 29 ເດືອນສິງຫາ ປີ 2016, ແລະໄດ້ຖືກປົດປ່ອຍເມື່ອວັນທີ 18 ເດືອນກັນຍາ ປີ 2017.

ຊັນ ອົມ (ລາວ) ໄດ້ມາຮອດສະຫະຣັດອາເມຣິກາຕອນລາວອາຍຸ 10 ປີ ໃນຖານະຜູ້ລີ້ໄພ. ລາວເປັນຄົນທີ່ຄົນອື່ນເຄົາຣົບນັບຖືຢູ່ບ່ອນເຮັດການ ທີ່ປະກອບອາຊີບ ເປັນຊ່າງແປງລົດ ແລະ ອາສາສະໝັກຢູ່ວັດພຸດ ທີ່ເມືອງແຮມປ໌ຕັນ, ຣັດມິນນິໂຊຕ້າ. ຊັນໄດ້ໝັ້ນໝາຍແລ້ວ ແລະ ໄດ້ເປັນແບບພໍ່ໃຫ້ແກ່ລູກລ້ຽງ ແລະ ຫຼານ ຫຼາຍຄົນ. ລາວໄດ້ຖືກກັກຂັງເມື່ອວັນທີ 26 ເດືອນສິງຫາ ປີ 2016, ແລະຖືກເນຣະເທດເມື່ອວັນທີ 28 ເດືອນມີນາ ປີ 2017. ຕອນນີ້ ຊັນກຳລັງພະຍາຍາມສ້າງຊີວິດໃໝ່ ຢູ່ເມືອງພະນົມເປັນ.

ຊັນ ອຸດ (ລາວ) ໄດ້ມາຮອດສະຫະຣັດອາເມຣິກາເມື່ອລາວອາຍຸ 12 ປີ ພ້ອມກັບພໍ່ແມ່ ແລະ ອ້າຍນ້ອງຫ້າຄົນ ຂອງລາວ. ລາວມີລູກທີ່ເປັນຜູ້ໃຫຍ່ແລ້ວ ແລະ ເປັນແບບພໍ່ ໃຫ້ແກ່ຫຼານສາວ ແລະ ຫຼານຊາຍ ຫຼາຍຄົນ. ຊັນມັກໃຊ້ເວລາກັບຄອບຄົວຂອງລາວ ຢູ່ເມືອງແຊເວດ, ຣັດມິນນິໂຊຕ້າ. ລາວຖືກກັກຂັງເມື່ອວັນທີ 26 ເດືອນສິງຫາ ປີ 2016, ແລະ ໄດ້ຖືກເນຣະເທດເມື່ອວັນທີ 28 ເດືອນມີນາ ປີ 2017. ລາວອາໄສຢູ່ເມືອງພະນົມເປັນ ແລະ ໄດ້ເປີດຮ້ານຂາຍເຄື່ອງຍ່ອຍ ແລະ ຮ້າກສັກລາຍ.

ເຊັດ ນິນ (ລາວ) ໄດ້ເກີດ ແລະ ເຕີບໃຫຍ່ ຢູ່ສູນອົບພະຍົບຕ່າງໆ ທີ່ປະເທດໄທ ແລະ ປະເທດຟີລິປິນ ກ່ອນທີ່ມາຮອດສະຫະຣັດ ຕອນອາຍຸ 6 ປີ. ລາວໃຫຍ່ຢູ່ເມືອງແຟຣິໂບ ຣັດມິນນິໂຊຕ້າ, ບ່ອນທີ່ລາວ ມາຮູ້ຈັກກັບ ພັນຣະຍາຂອງລາວ ທີ່ມີຊື່ວ່າ ແຈນນີ. ພ້ອມກັນ, ທັງສອງເບິ່ງແຍງລູກ ຂອງ ພວກເຂົາເຈົ້າ ແລະ ພໍ່ແມ່ ຜູ້ສູງອາຍຸ. ເຊັດໄດ້ປະກອບອາຊີບ ເປັນຊ່າງໄມ້ ເປັນເວລາ 20 ປີ ແລະ ມັກເຄື່ອນໄຫວໃນຄຸ້ມບ້ານ ແລະ ຊຸມຊົນ. ລາວຖືກໜ່ວຍງານ ICE ກັກຂັງ ເມື່ອວັນທີ 26 ເດືອນສິງຫາ ປີ 2016, ແລະ ໄດ້ຖືກປົດປ່ອຍ ເມື່ອວັນທີ 24 ເດືອນກຸມພາ ປີ 2017.

ເຜີຍ ຊວນ (ລາວ) ເກີດຢູ່ສູນອົບພະຍົບ ທີ່ປະເທດໄທ. ລາວອາຍຸສາມປີ ເມື່ອລາວມາຮອດສະຫະຣັດອາເມຣິກາ ພ້ອມກັບແມ່ ກັບອ້າຍນ້ອງ ຂອງລາວ. ລາວກຳລັງຢູ່ຢ່າງສຸກ ທີ່ເມືອງເຊັນທ໌ ພອລ ກັບພັນຣະຍາຂອງລາວ ທີ່ມີຊື່ວ່າ ເຣແອນ, ແລະລູກລ້ຽງສອງຄົນ ເປັນເວລາຫຼາຍກວ່າ 10 ປີ ກ່ອນທີ່ຊີວິດ ຂອງລາວ ປ່ຽນແປງໄປໝົດ. ເຜີໄດ້ຖືກກັກຂັງ ເມື່ອວັນທີ 26 ເດືອນສິງຫາ ປີ 2016, ແລະ ໄດ້ຖືກເນຣະເທດ ເມື່ອວັນທີ 28 ເດືອນມີນາ ປີ 2017. ລາວກຳລັງ ພະຍາຍາມສ້າງຊີວິດໃໝ່ ຢູ່ເມືອງຊຽມຣຽບ, ປະເທດກັມປູຊາ.

ຣົນ ອັນ (ລາວ) ເກີດຢູ່ສູນອົບພະຍົບ ຢູ່ປະເທດຟີລິປິນ. ລາວໄດ້ອາຍຸສາມເດືອນ ເມື່ອຄອບຄົວຂອງລາວ ໄດ້ຕັ້ງຖິ່ນຖານໃໝ່ ທີ່ສະຫະຣັດອາເມຣິກາ. ຣົນເຄີຍຢູ່ເມືອງຣໍເຊັດສະເຕີ ຣັດມິນນິໂຊຕ້າ, ກັບລູກຫ້າຄົນ ແລະ ມີ ພໍ່ແມ່, ອ້າຍນ້ອງ, ຫຼານສາວ, ຫຼານຊາຍ, ແລະ ໝູ່ເພື່ອນ ຢູ່ອ້ອມຂ້າງ. ລາວໄດ້ຢູ່ໃນກຳມື ຂອງ ໜ່ວຍງານ ICE ເປັນເວລາເກົ້າເດືອນ ກ່ອນທີ່ຈະຖືກເນຣະເທດ ເມື່ອວັນທີ 28 ເດືອນມີນາ ປີ 2017. ຣົນອາໄສຢູ່ ແຄມຝັ່ງທະເລຂະເໝນ ທີ່ເມືອງກຳປົດ ແລະ ວາງແຜນວ່າ ຈະເປີດຢິມ.

ສະເມັດ ໜຽນ (ລາວ) ເກີດຢູ່ສູນອົບພະຍົບ ທີ່ປະເທດໄທ ແລະ ຍົກຍ້າຍມາຢູ່ ສະຫະຣັດອາເມຣິກາ ເມື່ອອາຍຸ 2 ປີ. ລາວ ແລະ ພັນຣະຍາຂອງລາວ, ທີ່ຊື່ວ່າໂຊຄາ, ອາໄສຢູ່ເມືອງລອນສະເດລ ພ້ອມກັບລູກສີ່ຄົນ ຂອງລາວທັງສອງ. ສະເມັດມັກໄປຕຶກປາກັບຄອບຄົວ, ເຮັດວຽກປັບປຸງເຮືອນຊານ, ແລະຊ້ອມແປງລົດ. ລາວໄດ້ປະກອບອາຊີບ ເປັນຜູ້ກຳກັບ ໃຫ້ບໍ່ຣິສັດຜ້າສາຍ ເປັນເວລາ 16 ປີ. ລາວຖືກກັກຂັງ ເມື່ອວັນທີ 26 ເດືອນສິງຫາ ປີ 2016, ແລະ ໄດ້ຖືກປົດປ່ອຍ ເມື່ອວັນທີ 7 ເດືອນສິງຫາ ປີ 2017.

ໂຊເອິນ “ໂພຊີ” ຊະເຮັງ (ລາວ) ໄດ້ມາຮອດສະຫະຣັດອາເມຣິກາ ເມື່ອເປັນເດັກນ້ອຍ ພ້ອມກັບພໍ່ແມ່ ຜູ້ເປັນຜູ້ລີ້ໄພ. ລາວເຄີຍເປັນທີ່ຮັກຂອງຊຸມຊົນ, ໂດຍສະເພາະ ຢູ່ທີ່ຮ້ານຕັດຜົມ ບ່ອນລາວເຮັດການ ຢູ່ເມືອງວິລມາຣ໌ ຣັດມິນນິໂຊຕ້າ. ໂພຊີໄດ້ຖືກກັກຂັງ ເມື່ອວັນທີ 29 ເດືອນສິງຫາ ປີ 2016, ແລະ ໄດ້ຖືກເນຣະເທດ ເມື່ອວັນທີ 2 ເດືອນພືດສະພາ ປີ 2017. ລາວກຳລັງຢູ່ປະເທດກັມປູຊາ ແລະ, ເມື່ອເດືອນພຶດສະພາ ປີ 2018, ໄດ້ສະຫຼອງການເປີດຮ້ານຕັດຜົມຂອງລາວ ຢູ່ເມືອງພະນົມເປັນ. ໃນຖານະທີ່ເປັນລູກຂອງພຣະເຈົ້າ, ໂພຊີຮູ້ສຶກມີແຮງບັນດານໃຈ ທີ່ຮູ້ວ່າທຸກມື້ ແມ່ນໂອກາດ ທີ່ຈະເປັນຜົນກະທົບທາງບວກ ໃຫ້ແກ່ຄົນອື່ນ.